Be Myself 等待花開的靜兒

一早起身出發去寵物展
我已經坐最早的shuttle bus去
點知去到已經勁多人勁多狗
個場原來唔係好大
有D失望, 因為我想買果D野都無
只好淨係睇同了解唔同既糧
因為諗住遲D幫MoMo轉糧
大致都想好, 不是K9就Dr. B。
不過, 等MoMo打埋下枝先。

很奇怪,
唔知點解當係屋企的時候好想出街
但一出到街就好想快D番屋企,
係條街上面, 好害怕
連肚餓都不敢和不想自己一個入餐廳食野
寧願餓住番到屋企先煮野食
好想自閉。

傻momo可能慣左我餵完佢食早餐就會再訓過
今日, 我餵完佢, 合多15分鐘就起身出門口去睇中醫
momo仔明明睇住我出門口
點知, 我媽媽話momo 可能以為我訓左覺
對住張床吠左幾聲, 然後momo見無人應佢
就係我床邊, 即係佢張床仔度訓
就算我媽媽行來行去, momo出奇地居然跟都唔跟
好攪笑
唔通, momo真係以為我仲訓緊???

到我睇完醫生番黎
去沖涼, 今日係好耐好耐都未出黎
momo第一次吹我快D出黎, 作死呀!!!

今日偷影左一D得意相, 同大家分享下。
你地睇下momo訓得幾林。


MoMo 的糧兜暫時成為佢的玩具兜
佢擔左骨骨出黎咬之後, 一個轉身
個patpat坐左落玩具兜度
佢係好專心咁望住舊骨骨, 準備同佢撕片
不過, 我覺得momo你似去緊廁所喎!!!

今日收到email
八月十一至十四日要番學lu
朝九晚五, 仲要去到九龍塘
未番學已經預料到一定會累死。
放假放得太耐, 越黎越唔想番工。

諗起番工, 再諗起番學
九月三日就開學, 真係話咁快
但係完全唔想去諗
因為一諗起夜晚由薄扶林番屋企
然後第二朝又要番工既情景, 真係OMG!!!
我死緊。

我需要一名司機。
小妹誠徵司機一名, 專責接送我番學放學, 兼預先準備外賣晚餐待我上車食。

今日離開左屋企兩次
等momo習慣一個人
可能佢知無人陪佢
每次番黎, 佢都係好乖, 無叫
唔知中途有無呢?

不過, 困過佢一陣
佢夜晚都顯得有少少悶悶不樂。

MoMo開始慣, 就開始四周自己去探索
有時都要靜雞雞咁裝下佢去邊同做咩
因為佢成日都鬼鬼祟祟咁

雖然放緊暑假
都好似無放過咁
因為平時已經日日番學教d 仔仔女女
宜家就日日係屋企教MoMo
老實講, 真係幾累。

今日繼續廁所訓練之如
MoMo已經學左sit, 10次有9次中啦
學左sit之後, 食飯終於無咁興奮, 同又跑又跳啦。
MoMo, 我地要努力練習, 知道嗎?

另外, 今日係MoMo肚仔附近發現幾粒好似油脂粒咁既粒粒
有幾粒係 "姑姑" 附近
又有一粒係 "姑姑" 對上肚仔發現, 好細好細粒的
MoMo d 皮膚又唔係好紅, 但有D位置係肉色
有D就帶粉粉地紅色
我媽媽就話人地D皮膚係咁既色架MA
唔好自己嚇自己
我希望唔係皮膚敏感啦!!
如大家有正確既知識, 請教教小妹!!

我都會日日細心觀察一下有無唔同。

MoMo已經識聽大門既聲音
有人番黎就9秒9咁跑出去睇下邊個番黎
就算有人靜雞雞出門口
佢聽到又9秒9咁跑去睇下發生咩事

尋日下午開始肯玩玩具
今日就更加落力
打到熊公仔落花流水

先黎一個熱身先

與熊公仔熱身 from Heidi on Vimeo.

見到個地拖, 好新奇
我要玩飄移呀!!

飄移 from Heidi on Vimeo.

其實MoMo都算係咁啦
我7點幾起身餵完佢
等佢去晒廁所, 我再訓, 佢又再訓
我訓幾耐, 佢訓幾耐
我去廚房煮野食,
我唔俾佢入廚房, 佢就乖乖叭係廚房門口
我去沖涼, 佢就叭係廁所門口等我出黎

最唔好就係每次我訓醒都極度熱情咁撲我隻腳
同埋每次食野都極度心急, 唔冷靜, 過份緊張同超喉禽
不過, MoMo一食飽後就精力旺盛
果時撩佢玩就非常開心
其他時間就唔係成日都有心情同精力玩
因為佢食飽就牙仔痕
想搵野咬
第一目標通常都係我地隻腳
所以迫住我同佢玩毛公仔格鬥
平時唔運動既我都覺得忽然運動量大左好多
累到我死

MoMo尋晚繼續自由自在係我房訓
我當然好好訓啦
除左我起身去廁所之後
我繼續番上床訓, 唔理MoMo
MoMo就叫幾聲
點知我唔理MoMo, 佢只好繼續訓 (算你醒目!!)
我訓到朝早8點幾先餵MoMo食早餐。

食飽無耐, 我整估MoMo
因為我見佢唔玩個玩具, 我就放左D糧內入個玩具裡面
MoMo開頭好興奮, 佢淨係識用個鼻推住個波向前行
但係唔識用手仔按住個波, 結果...梗係食唔倒啦
不過兩分鐘, MoMo就放棄, 唔玩啦!!!


MoMo: 我要食呀!!!


MoMo: 都食唔倒既, 彩你都傻!

中午, 我出左門口買野食
當然要困入欄, MoMo都有叫, 但係都係少左,
至少我走了, 落到花園樓下都聽唔倒叫,
而番屋企果時, 都係O係樓梯下聽到佢叫左兩聲
我估佢應該叫少左既, 搵日等我問下樓下的鄰居先。

我仲買左個 "BiBi聲"既玩具俾MoMo
點知, MoMo居然驚果D聲.....勁走!!!!



至於毛公仔
MoMo好有性格, 唔係隻隻公仔有興趣
最有興趣就係以下呢一隻, 可能係同類



呢隻毛公仔係MoMo番左屋企第二日, 細佬的朋友仔送的禮物
(超快有人送禮, 宜家已經有三份了)

點解我話佢最有興趣, 因為佢會聞下隻公仔, 跟住就咬佢啦!!


MoMo: 我係錫佢, 唔係咬佢!!
Me: MoMo, 小朋友唔准講大話, 你咬到狗仔個鼻好痛!!

下午, MoMo最鍾意吹人地快D俾野佢食,
佢見到我攪緊佢D浸糧, 就會吠我,
然後不停企高, 為食怪。
食飽飽後都有咬下熊公仔, 狗公仔
都係一兩淡, 跟住就咬自己手手腳腳
點解佢鍾意咬自己D手手腳腳既????
痕? 污糟? 口痕?

MoMo係明乎其實既大懶豬同跟尾狗
食飽就訓, 訓飽就食,
我去邊, 佢去邊。

尋晚, 我太累了
十點就熄燈訓
MoMo叫左陣就靜晒
我見佢唔嘈, 唔理佢啦 (費時佢嘈過MA)
到左5點幾6點就好細聲咁woo woo 叫
我莊下佢啦, 點知????
原來佢係個欄倒偷走左出黎
怪不得佢尋晚成唔叫, 我有覺好訓啦
MoMo細細聲咁叫....係因為佢係唔應該既地方痾左尿
既然我係關房門訓
佢之前又唔嘈, 我就唔理佢 (訓覺既時候就投降唔放你入欄啦!!)
不過, 起初, MoMo有少少叫,
見到我就係咁咬我手指, 都唔知佢係肚餓 OR 牙仔痕
我繼續以唔理佢既姿態繼續訓 (我太眼訓啦~~)
佢轉個頭就同我一樣再訓過

到左朝早,
食飽飽後, 行完街,
繼續困欄訓練
但係, MoMo已經突破左40CM既高度,
唔知死, 爬呀爬, 然後跳出黎, 激死!!
唯有同佢加添個頂蓋,
一如以往,
係欄度而佢視線一見到我地行開就叫餐死,
但係叫聲好少少, 叫既時間都短左
最耐都係30分鐘, 我見佢唔叫啦, 就出廳讚佢幾句,
不過佢見我再行開, 又會再叫,
但係都叫有進步。

唔知點解
媽媽今日覺得MoMo好似好不安既樣子
訓覺呢? 不停轉pose, 不停轉位置, 坐立不安咁。
玩具, 公仔, 膠骨, 波波, 佢樣樣都唔玩,
之前我見佢好鍾意咬兄弟姊妹D腳仔開始打架,
宜家唔知係唔係無人俾佢打, 佢有時會咬下自己腳仔。
佢最鍾意咬我地D手指腳指, 我地唔俾佢咬。
放佢出黎, 佢唔會周圍行, 淨係跟住我地行,
最曳曳都係鍾意lam地下, lam 下D傢私,
我一坐低, 佢就係我腳附近訓低, 有時就真係訓, 有時淨係半開眼咁攤係地,
好似好悶悶不樂咁,
都唔知MoMo係心情唔好, 唔舒服, 定係點,
攪到我心情都麻麻。

p.s. 我見有一個BLOG友的狗狗都叫足一個星期。
oh....我有排捱。

第一次去圓方睇戲
第一次去坐standard chartered starsuite
有野食, 有野飲, 有私家廁所, 有大班椅 (可以訓晒係度), 仲有超正音響
個個都除晒鞋睇戲,
雖然今集麻麻地, 主要交代劇情, 戲肉比較少,
如果套戲再悶D, 一定訓著左,
因為張椅太舒服。
Thank you!

MoMo, 我好累啊!!!
你唔訓, 我都想訓下架!!

其實放左MoMo出黎, 佢係唔會周圍行
只會跟住我地去邊就去邊
我地做野, 佢就搵個靚位望到我地,
然後就訓訓訓。

最抵死係,
我食飽放左行完一陣,
痾完再行街既時候,
係我唔好, 唔記得開番個門口俾你入欄,
結果, MoMo就自己行左係欄出面痾左第2次尿
但係, MoMo醒呀!!
識得去番果個位,
MoMo痾完就附近企定定等到我地發現為止。傻豬!

跟住俾MoMo行多一陣,
好忍心又困番佢。

我唔想架, 不過我想你學識唔可以不停叫,
同埋當無人屋企, 我地就要你乖乖地係欄裡面呀!!
結果, 同我所想既一樣,
一入欄就又叫又跳, 係咁咬個欄, 誓要移開個欄,
跟住我唔理啦。
恨恨地鬧左佢一大餐 (都鬧左幾分鐘)
佢個樣真係好鬼驚, 退後左幾步,
跟住就乖乖地安靜。

到宜家為止, 靜左30分鐘!!!
MoMo加油呀!!

但係...當我離開左個位, 即係佢視線範圍
佢又叫啦....話左幾句, 停一陣, 再叫...
我唔彩左, 叫左一陣就唔叫 (希望佢係自己醒目, 而唔係累啦!!)
MoMo, 你乖乖地, 我未唔鬧你lo! =.="

到左中午, 我餵飽左MoMo 就要出街
屋企無人, 一定要放番佢入欄
佢當然係我走既時候叫到傻啦!!

不過, 媽媽係我走左30-45分鐘後番到屋企
跟據媽媽口供, MoMo居然乖到傻, 叫都無叫
乖乖地坐係個欄入面。

MoMo不知幾鍾意媽媽, 因為佢唔忍心momo叫
一聽到佢叫就會放佢
唉~~寵壞晒!!
結果, 未媽媽自己嘆番 (亂痾的4次尿, 1次屎)
MoMo擺明蝦媽媽啦 (媽媽真係蠢 XD)

夜晚, 我番到屋企
媽媽話MoMo應該好肚餓
因為MoMo不斷抓放糧果個muji膠箱
然後e..e..a..a咁叫
我都知今餐隔左耐少少
所以一番去就咩都唔做, 立即餵左佢先!!

食飽, 去晒廁所,
梗係訓啦!!
我已經累透, MoMo你呢??