目前分類:我的啤啤 (54)

瀏覽方式: 標題列表 簡短摘要

嬲了昨天一個晚上,
MoMo沒有睡
到了朝早, 牠才彩番我少少

下午, 帶了MoMo到九龍城上第一堂課
教了sit 和down

我教了一個月的down, 終於係兩分鐘後做得到
雖然只係做到, 而未係學識
MoMo已經叻叻!!

然後出了旺角訂月餅俾MoMo
見了joey姐姐一面
就回家去了。

希望MoMo 快D開心番。

heidilee 發表在 痞客邦 留言(0) 人氣()

第一次帶毛毛去剷毛
好唔捨得!!

毛毛剪完都好唔開心
嬲左我, 番到屋企唔彩我
唔肯入我房
雖然我整左雞柳比佢食
佢仲係好嬲呀
皆因連我都覺得毛毛好肉酸
更何況係佢, 唔怪得佢自閉咁躲係另一間房內

本身以為剪完會會變左芝娃娃樣
但係宜家覺得屋企多左隻曲卡B

剪毛前






剪毛後






heidilee 發表在 痞客邦 留言(0) 人氣()

尋日係太子行街街既時候
終於比我見到想買好耐既智力波波啦



當然不足3秒就俾錢!!
我買左個細既...紅色果個俾MoMo玩。

今日就即刻試下個新玩具
哇...裡面有好多野食
毛毛誓不罷休
玩左大半個鐘仲未厭

媽媽: 梗係啦...食完一粒...裡面仲有聲...

呢個玩具非常好呀!!


heidilee 發表在 痞客邦 留言(0) 人氣()

買了個Dog Brick回來
MoMo 係一日之間有兩個新玩具玩~~

MoMo起初唔識玩
唔識用手, 淨係識用鼻
但係玩左幾次後...
好快就食晒玩具內的糧了。

heidilee 發表在 痞客邦 留言(0) 人氣()

終於到第三針既日子
MoMo亦到有1KG啦
要再努力增下肥先!!

打完針...梗係又黎一下相聚一刻啦!!

黎張大合照先!!
大家請留意古力 (古力: 迫死我啦!! )




出席BB有迷女王PePe




電眼少年的古力




狂吻大王Harry!!!




當狂吻大王狂吻奶茶媽既同時, 古力擺出呢個樣子: 無眼睇!!!!




當然仲有唔少得我家大少: MoMo



由於狗CAFE仲有其他狗仔
佢地一個二個玩得不知幾咁開心


MoMo與PePe表演合拍度





玩左兩個鐘
加上藥力發作...
不論係人定狗都散晒

大家散band後
MoMo 同Harry去左利是商場同太子行街街
媽媽番到屋企....累到死左!!
但係MoMo仲要同小Mo (佢隻狗仔公仔) 玩
佩服!!

heidilee 發表在 痞客邦 留言(0) 人氣()

MoMo最近很開心
因為成日都有好野食

我整了紅蘿蔔, 脆肉瓜, 菜給MoMo吃
D晚餐紅紅綠綠咁...
MoMo見到都好開心

還有最近飯後仲有蘋果, 雪梨, 水晶梨
食到MoMo lam lam脷

前兩日都要番學
夜一夜先番到屋企
無時間陪MoMo
於是今日放工開完會後
第一時間番屋企
然後抱左佢落街行街街

MoMo好鍾意睇風景
但係好鬼細膽, 驚到震!!

heidilee 發表在 痞客邦 留言(0) 人氣()

一朝早, 我第一次落手落腳幫MoMo洗白白
佢好乖, 企定定俾你沖涼
因為佢最鍾意按摩, 舒服到佢呢

不過, 沖完我就慘
MoMo唔鍾意吹毛, 四圍走
我將佢放左係成米高既台仔上面
佢雖然好驚, 但都好想走佬
同佢吹毛...吹足成個鐘...累死我

但係整完之後
MoMo靚仔都爆, 你地睇下佢笑得幾開心就知啦!!!

p.s. 昨天買的沖涼液唔敏感, 不過都係麻麻...我都係覺得TOBY用開果隻沖完出黎D毛有光澤D, 真係要搵時間出荃灣買。

heidilee 發表在 痞客邦 留言(0) 人氣()

今日開大會開到成6點幾
累到我死

但係太耐無理下MoMo
所以累到死都去左市中心買枝沖涼液
打算明天同MoMo沖涼
而今晚...我用左兩個鐘既時間同佢大戰
為既就係同佢剪指甲
累到我死死下~~~

heidilee 發表在 痞客邦 留言(0) 人氣()

  • Aug 31 Mon 2009 11:34
  • 掘地

MoMo今日被人捉到佢掘地
點掘法??

就係O係廚房同廁所門果個位, 我地有個雲石搏位
MoMo平時鍾意long個頭係上面訓覺
或者係廚房門口等食
都唔知係唔係呢期MoMo太掛住食野
佢覺得D雲石邊位D紅毛泥係食得既
於是...就好想LAM佢, 好想抓佢, 好想咬下佢
個動作太似掘地啦~~
其實都唔係好犀利...都係LAM左幾下, 抓左幾下咁大把
不過都俾我罰左一餐!!

heidilee 發表在 痞客邦 留言(0) 人氣()

今個星期開始上班了
所以有大半日都係得番MoMo一個係屋企
好彩佢都好乖
無人係屋企既時候, 佢就訓訓訓
我放工番黎就同佢玩
然後我訓覺, MoMo就訓覺
生活好似好有節奏
但願MoMo生生性性!!

heidilee 發表在 痞客邦 留言(0) 人氣()

MoMo 三個月大了。

今朝我靜雞雞咁將杜虫藥放埋落MoMo份早餐度
MoMo梗係好叻仔...清兜啦!!
乾淨到唔駛洗兜都得。
但係MoMo食完都唔知自己食左藥, 比我整蠱成功!!


heidilee 發表在 痞客邦 留言(0) 人氣()

我好鍾意影MoMo訓覺既樣
唔係訓得好肉酸, 而係佢訓得好可愛



MoMo: 熟睡中...唔好影啦!!

heidilee 發表在 痞客邦 留言(0) 人氣()

MoMo坐車出發去NPV打針
成程車都無叫...好乖
但係都有不停郁黎郁去, 坐唔安
可惜我唔醒目

到我去到診所先知...原來MoMo頭先暈車浪
成咀成手都濕晒
不過醫生話...好少事jei
休息十分鐘就好架啦

跟住俾醫生同姑娘姐姐左望望, 右望望
左摸摸, 右摸摸咁
醫生話佢瘦左D
MoMo聽到一定好開心, 因為可以食食食!!

之後俾醫生打左之枝針, 有D痛
所以叫左一聲!!

睇完醫生
我帶住MoMo同其他朋友和狗友齊齊打的去左尖咀Good Dog Cafe
因為女麻女麻都話要幫佢地攪"發實宴"。
雖然今日只有古力哥哥同埋PePe哥哥
而Goo B姐姐, Harry哥哥同Bell Bell哥哥都黎唔倒
但係都有奶茶爸爸, Mocha姐姐, 同琪琪姐姐同MoMo玩。

PePe哥哥主人都話MoMo似馬騮仔, I dun care!
琪琪主人話MoMo似鬼仔, 因為MoMo有藍綠色眼睛, 呵呵!!
女麻女麻就終於見到MoMo會笑的咀。
而MoMo....梗係超開心呀!!! 因為有蛋糕食!!
多謝女麻女麻!!

玩飽食飽又夠鐘番屋企
我怕MoMo再暈車浪之如
又想俾我試新野
所以帶左MoMo搭第一次既西鐵
仲要由紅磡直達屯門

番到屋企
MoMo第一時間搵番個靚位訓覺 ZzzZzz


heidilee 發表在 痞客邦 留言(0) 人氣()

今日全日都在家休息
唔知點解....越黎越近番工的日子
好像將會有一個很大的衝激
心情越來越不安。

晚上, 收到快遞公司的派件,
是MoMo的小床子
希望牠喜歡吧。

heidilee 發表在 痞客邦 留言(0) 人氣()

話說尋晚momo心情唔多靚
因為被我捉住剪指甲
我剪完兩隻前腳都投降
momo就死狗咁訓係我附近
已經有少少唔happy

一個鐘後
嚇死我既事件發生
momo本來坐係我張椅隔離
佢一聽到門聲
想起身衝出去既時間
一起身就不停咁大叫, 叫左成分鐘
跟住仲好驚咁亂跳
嚇到我死
我不停問佢咩事
後來我發覺係椅腳附近有一小執毛
momo應該有D毛係攝住左係椅底, 跟住一起身就扯甩左
一定痛死, 呵番。

點知, momo入左我數
佢以為係我整親佢
一直都唔會自動入欄既mo
成晚嬲左我, 自己一個入左欄訓
我以為第二朝就無事啦

又點知, 到第二朝...momo仲嬲緊我
完全唔肯入我房
邊個叫佢, 佢都彩
唯獨我叫佢, 佢就唔彩我
邊個出門, 佢都送佢出門
我出門口, momo無行黎搵我之如
連望都唔望一眼。

死仔包, 勁有性格呀!!!
好~~~
宜家唔係你嬲我, 係我嬲你!!!!

仲諗住帶埋你去女麻女麻屋企玩,
然後同Raymond哥哥一齊接三寶 Harry王子番屋企。
宜家無啦, momo係屋企嬲飽佢啦~~

女麻女麻估我番到屋企, momo應該嬲完, 唔記得啦喎。
呵!!! 女麻女麻, 你估錯啦!!!
死mo仲嬲緊, 只係無咁嬲....
經過左一大輪後, momo先唔嬲我。
我真係唔投降都唔得。

p.s. MoMo的三哥哥叫做Harry, 可能 RC想佢做Prince Harry or Harry Potter.

heidilee 發表在 痞客邦 留言(0) 人氣()

記得上星期momo係女麻女麻屋企走既時候
momo係巴士訓到成隻傻豬仔咁
結果番到屋企.....變左羊咩仔...多左羊咩鬚
簡直笑死我 (大家見我笑到手震....D相out focus左就知!!)



第二日, 一食飽就訓, 訓到好林既momo會咁訓架!!




MoMo: 我仲想繼續食 ,仲有無mum mum!!


今日, MoMo 唔知做乜鬼
都未到夜晚, 都未夠鐘訓覺
自己搬住張被仔周圍走!

MoMo的小被子 from Heidi on Vimeo.


MoMo仲開始八掛啦!!!
聽到D古怪聲, 雀仔聲, 狗吠聲
就走左露台門度望街
有一日, 樓下有人BBQ, 當然好香啦
佢就走左露台門果度....抬高頭係咁聞
傻瓜!!

我洗乾淨左條領巾, 等我俾MoMo試下先!!

MoMo: 媽媽係童軍, 咁我有無資格做童軍???

heidilee 發表在 痞客邦 留言(0) 人氣()

分享一下MoMo既近照先

發呆中





媽媽話我似馬騮仔? 仲想叫我做monkey。 你地話我似唔似?





MoMo高左, 就黎高過隻公仔。







黎張大頭照先




MoMo 除左高左, 仲肥左, 鬼咩...食飽就訓, 訓飽就食....
你地睇下佢個肚~~~~
扮可愛扮左一秒就訓, 跟住仲訓鬼著左添, 正一懶訓豬。

 

heidilee 發表在 痞客邦 留言(0) 人氣()

話說尋日已經見MoMo咬自己"姑姑"
跟住就八怪去睇下啦....
點知....損左....不過已經結左珈
咁就諗住....應該無野既, 都結左珈啦

今日好努力咁搵番把剪髮刀出黎
諗住大顯身手, 幫MoMo剪咁D肚仔毛之際新發現....
個肚仔居然有D皮破左
好似我地損左面果層皮咁...
結果, 唔敢動手住打個電話問下嫲嫲係唔係要塗藥膏

一個電話之後
驚險既旅程就開始
我準備帶MoMo坐個幾鐘車去嫲嫲屋企俾嫲嫲睇下

lucky....無驚無險...安全到達紅磡
毛毛一句聲都無出過, 乖!!

MoMo點解咬自己姑姑呢??
原來我地發現佢大個仔啦!!!
小波子開始向下移,
可能因為咁, MoMo就覺得好痕啦!!
不過, 阿仔, 唔好咁豬咁大力咬到自己損先得架。

唔該晒嫲嫲幫MoMo黎左全套,
沖涼, 吹毛, 剪眼仔毛, 剷腳底, 肚仔毛
仲俾左D藥膏我旁身
好彩有嫲嫲jar

MoMo: thank you, 嫲嫲!! 沖完涼, 舒服晒, 番屋企既時候, 我訓到死豬咁!!!

嫲嫲無見MoMo兩個星期, 嚇親嫲嫲,
雖然MoMo無咩跑, 食兩餐仲食少左添,
但係MoMo高左, 波左, 圓左, D牙仔同毛都多左

你地睇下 MoMo同3仔, MoMo高過3哥添。

heidilee 發表在 痞客邦 留言(0) 人氣()

平時叫你地入黎屯門同我食餐飯都E...E..OR...OR...
點知, 今日, 居然自動仆到黎
佢地為既目的都係見MOMO一面, 同MoMo玩。

MoMo一D都唔怕陌生人
見到咩人黎, 都擺晒尾, 跳晒舞咁
所以, D哥哥姐姐勁鍾意同佢玩
MoMo玩到好累好累....累到攤係度訓著左
唔知MoMo今日玩得開唔開心呢?

夜晚, 我就同大家去左黃金海岸食飯
真的好耐都無聚了。

heidilee 發表在 痞客邦 留言(0) 人氣()

今日開始同MoMo轉食兩餐
因為還有一星期的假期
我就要番學, 然後又開始番工了。
希望MoMo好快就會適應。

heidilee 發表在 痞客邦 留言(0) 人氣()

«12 3