目前分類:我的啤啤 (54)

瀏覽方式: 標題列表 簡短摘要

傻momo可能慣左我餵完佢食早餐就會再訓過
今日, 我餵完佢, 合多15分鐘就起身出門口去睇中醫
momo仔明明睇住我出門口
點知, 我媽媽話momo 可能以為我訓左覺
對住張床吠左幾聲, 然後momo見無人應佢
就係我床邊, 即係佢張床仔度訓
就算我媽媽行來行去, momo出奇地居然跟都唔跟
好攪笑
唔通, momo真係以為我仲訓緊???

到我睇完醫生番黎
去沖涼, 今日係好耐好耐都未出黎
momo第一次吹我快D出黎, 作死呀!!!

今日偷影左一D得意相, 同大家分享下。
你地睇下momo訓得幾林。


MoMo 的糧兜暫時成為佢的玩具兜
佢擔左骨骨出黎咬之後, 一個轉身
個patpat坐左落玩具兜度
佢係好專心咁望住舊骨骨, 準備同佢撕片
不過, 我覺得momo你似去緊廁所喎!!!

heidilee 發表在 痞客邦 留言(0) 人氣()

今日離開左屋企兩次
等momo習慣一個人
可能佢知無人陪佢
每次番黎, 佢都係好乖, 無叫
唔知中途有無呢?

不過, 困過佢一陣
佢夜晚都顯得有少少悶悶不樂。

heidilee 發表在 痞客邦 留言(0) 人氣()

MoMo開始慣, 就開始四周自己去探索
有時都要靜雞雞咁裝下佢去邊同做咩
因為佢成日都鬼鬼祟祟咁

雖然放緊暑假
都好似無放過咁
因為平時已經日日番學教d 仔仔女女
宜家就日日係屋企教MoMo
老實講, 真係幾累。

今日繼續廁所訓練之如
MoMo已經學左sit, 10次有9次中啦
學左sit之後, 食飯終於無咁興奮, 同又跑又跳啦。
MoMo, 我地要努力練習, 知道嗎?

另外, 今日係MoMo肚仔附近發現幾粒好似油脂粒咁既粒粒
有幾粒係 "姑姑" 附近
又有一粒係 "姑姑" 對上肚仔發現, 好細好細粒的
MoMo d 皮膚又唔係好紅, 但有D位置係肉色
有D就帶粉粉地紅色
我媽媽就話人地D皮膚係咁既色架MA
唔好自己嚇自己
我希望唔係皮膚敏感啦!!
如大家有正確既知識, 請教教小妹!!

我都會日日細心觀察一下有無唔同。

heidilee 發表在 痞客邦 留言(0) 人氣()

MoMo已經識聽大門既聲音
有人番黎就9秒9咁跑出去睇下邊個番黎
就算有人靜雞雞出門口
佢聽到又9秒9咁跑去睇下發生咩事

尋日下午開始肯玩玩具
今日就更加落力
打到熊公仔落花流水

先黎一個熱身先

與熊公仔熱身 from Heidi on Vimeo.


見到個地拖, 好新奇
我要玩飄移呀!!

飄移 from Heidi on Vimeo.

其實MoMo都算係咁啦
我7點幾起身餵完佢
等佢去晒廁所, 我再訓, 佢又再訓
我訓幾耐, 佢訓幾耐
我去廚房煮野食,
我唔俾佢入廚房, 佢就乖乖叭係廚房門口
我去沖涼, 佢就叭係廁所門口等我出黎

最唔好就係每次我訓醒都極度熱情咁撲我隻腳
同埋每次食野都極度心急, 唔冷靜, 過份緊張同超喉禽
不過, MoMo一食飽後就精力旺盛
果時撩佢玩就非常開心
其他時間就唔係成日都有心情同精力玩
因為佢食飽就牙仔痕
想搵野咬
第一目標通常都係我地隻腳
所以迫住我同佢玩毛公仔格鬥
平時唔運動既我都覺得忽然運動量大左好多
累到我死

heidilee 發表在 痞客邦 留言(0) 人氣()

MoMo尋晚繼續自由自在係我房訓
我當然好好訓啦
除左我起身去廁所之後
我繼續番上床訓, 唔理MoMo
MoMo就叫幾聲
點知我唔理MoMo, 佢只好繼續訓 (算你醒目!!)
我訓到朝早8點幾先餵MoMo食早餐。

食飽無耐, 我整估MoMo
因為我見佢唔玩個玩具, 我就放左D糧內入個玩具裡面
MoMo開頭好興奮, 佢淨係識用個鼻推住個波向前行
但係唔識用手仔按住個波, 結果...梗係食唔倒啦
不過兩分鐘, MoMo就放棄, 唔玩啦!!!


MoMo: 我要食呀!!!


MoMo: 都食唔倒既, 彩你都傻!

中午, 我出左門口買野食
當然要困入欄, MoMo都有叫, 但係都係少左,
至少我走了, 落到花園樓下都聽唔倒叫,
而番屋企果時, 都係O係樓梯下聽到佢叫左兩聲
我估佢應該叫少左既, 搵日等我問下樓下的鄰居先。

我仲買左個 "BiBi聲"既玩具俾MoMo
點知, MoMo居然驚果D聲.....勁走!!!!



至於毛公仔
MoMo好有性格, 唔係隻隻公仔有興趣
最有興趣就係以下呢一隻, 可能係同類



呢隻毛公仔係MoMo番左屋企第二日, 細佬的朋友仔送的禮物
(超快有人送禮, 宜家已經有三份了)

點解我話佢最有興趣, 因為佢會聞下隻公仔, 跟住就咬佢啦!!


MoMo: 我係錫佢, 唔係咬佢!!
Me: MoMo, 小朋友唔准講大話, 你咬到狗仔個鼻好痛!!

下午, MoMo最鍾意吹人地快D俾野佢食,
佢見到我攪緊佢D浸糧, 就會吠我,
然後不停企高, 為食怪。
食飽飽後都有咬下熊公仔, 狗公仔
都係一兩淡, 跟住就咬自己手手腳腳
點解佢鍾意咬自己D手手腳腳既????
痕? 污糟? 口痕?

MoMo係明乎其實既大懶豬同跟尾狗
食飽就訓, 訓飽就食,
我去邊, 佢去邊。

heidilee 發表在 痞客邦 留言(0) 人氣()

尋晚, 我太累了
十點就熄燈訓
MoMo叫左陣就靜晒
我見佢唔嘈, 唔理佢啦 (費時佢嘈過MA)
到左5點幾6點就好細聲咁woo woo 叫
我莊下佢啦, 點知????
原來佢係個欄倒偷走左出黎
怪不得佢尋晚成唔叫, 我有覺好訓啦
MoMo細細聲咁叫....係因為佢係唔應該既地方痾左尿
既然我係關房門訓
佢之前又唔嘈, 我就唔理佢 (訓覺既時候就投降唔放你入欄啦!!)
不過, 起初, MoMo有少少叫,
見到我就係咁咬我手指, 都唔知佢係肚餓 OR 牙仔痕
我繼續以唔理佢既姿態繼續訓 (我太眼訓啦~~)
佢轉個頭就同我一樣再訓過

到左朝早,
食飽飽後, 行完街,
繼續困欄訓練
但係, MoMo已經突破左40CM既高度,
唔知死, 爬呀爬, 然後跳出黎, 激死!!
唯有同佢加添個頂蓋,
一如以往,
係欄度而佢視線一見到我地行開就叫餐死,
但係叫聲好少少, 叫既時間都短左
最耐都係30分鐘, 我見佢唔叫啦, 就出廳讚佢幾句,
不過佢見我再行開, 又會再叫,
但係都叫有進步。

唔知點解
媽媽今日覺得MoMo好似好不安既樣子
訓覺呢? 不停轉pose, 不停轉位置, 坐立不安咁。
玩具, 公仔, 膠骨, 波波, 佢樣樣都唔玩,
之前我見佢好鍾意咬兄弟姊妹D腳仔開始打架,
宜家唔知係唔係無人俾佢打, 佢有時會咬下自己腳仔。
佢最鍾意咬我地D手指腳指, 我地唔俾佢咬。
放佢出黎, 佢唔會周圍行, 淨係跟住我地行,
最曳曳都係鍾意lam地下, lam 下D傢私,
我一坐低, 佢就係我腳附近訓低, 有時就真係訓, 有時淨係半開眼咁攤係地,
好似好悶悶不樂咁,
都唔知MoMo係心情唔好, 唔舒服, 定係點,
攪到我心情都麻麻。

p.s. 我見有一個BLOG友的狗狗都叫足一個星期。
oh....我有排捱。

heidilee 發表在 痞客邦 留言(0) 人氣()

MoMo, 我好累啊!!!
你唔訓, 我都想訓下架!!

其實放左MoMo出黎, 佢係唔會周圍行
只會跟住我地去邊就去邊
我地做野, 佢就搵個靚位望到我地,
然後就訓訓訓。

最抵死係,
我食飽放左行完一陣,
痾完再行街既時候,
係我唔好, 唔記得開番個門口俾你入欄,
結果, MoMo就自己行左係欄出面痾左第2次尿
但係, MoMo醒呀!!
識得去番果個位,
MoMo痾完就附近企定定等到我地發現為止。傻豬!

跟住俾MoMo行多一陣,
好忍心又困番佢。

我唔想架, 不過我想你學識唔可以不停叫,
同埋當無人屋企, 我地就要你乖乖地係欄裡面呀!!
結果, 同我所想既一樣,
一入欄就又叫又跳, 係咁咬個欄, 誓要移開個欄,
跟住我唔理啦。
恨恨地鬧左佢一大餐 (都鬧左幾分鐘)
佢個樣真係好鬼驚, 退後左幾步,
跟住就乖乖地安靜。

到宜家為止, 靜左30分鐘!!!
MoMo加油呀!!

但係...當我離開左個位, 即係佢視線範圍
佢又叫啦....話左幾句, 停一陣, 再叫...
我唔彩左, 叫左一陣就唔叫 (希望佢係自己醒目, 而唔係累啦!!)
MoMo, 你乖乖地, 我未唔鬧你lo! =.="

到左中午, 我餵飽左MoMo 就要出街
屋企無人, 一定要放番佢入欄
佢當然係我走既時候叫到傻啦!!

不過, 媽媽係我走左30-45分鐘後番到屋企
跟據媽媽口供, MoMo居然乖到傻, 叫都無叫
乖乖地坐係個欄入面。

MoMo不知幾鍾意媽媽, 因為佢唔忍心momo叫
一聽到佢叫就會放佢
唉~~寵壞晒!!
結果, 未媽媽自己嘆番 (亂痾的4次尿, 1次屎)
MoMo擺明蝦媽媽啦 (媽媽真係蠢 XD)

夜晚, 我番到屋企
媽媽話MoMo應該好肚餓
因為MoMo不斷抓放糧果個muji膠箱
然後e..e..a..a咁叫
我都知今餐隔左耐少少
所以一番去就咩都唔做, 立即餵左佢先!!

食飽, 去晒廁所,
梗係訓啦!!
我已經累透, MoMo你呢??

heidilee 發表在 痞客邦 留言(0) 人氣()

尋晚收到奶茶媽電話
今日可以接左MOMO番屋企, Happy!!

奶茶媽可能奇怪點解得呢幾日得閒
原因就係錫到佢"火農"既媽媽 (即係我媽媽) 指定lo
什麼良辰吉日, 老人家想點就點, 就下佢!

去到奶茶媽度
先學點樣整野俾佢地食
然後黎一個奇境, 6兄弟姊妹一齊食mum mum,
最後一次lu.....

去片

兄弟姊妹一齊食MUM MUM from Heidi on Vimeo.

 


然後就到MOMO第一次下水禮


MoMo: 超梳乎~~~ 你幫我繼續massage, 我就乖乖地俾你沖呀!!


吹毛中

吹完D毛鬆晒, 但係我睇唔倒野呀!!


經過奶茶媽大刀一揮, 靚晒!!


MoMo: 我個新裝得唔得呀?



MoMo自己就覺得自己好靚仔, 開心到笑!! 多謝奶茶媽!!


跟住我就同MoMo返屋企啦
艱辛既路程開始了
起初MoMo都無乜野
可能架巴士越來越多人
佢就驚啦, 開始叫啦
越叫越大聲, 成層D人都周圍望發生咩事喎!!
結果, 我投降啦!!
我係未上公路之前就投降落車, CALL的士。
點知MoMo坐足成程的士, 一聲都無叫過
衰仔, 你真係識揀, 有巴士唔坐, 坐的士。

跟住番到屋企就放去入欄,
MoMo除左叫, 同成身都震晒
一定係去左陌生地方好驚,
而且我又唔知佢係唔係再加埋暈車浪,
攪到驚上加驚。

MoMo都震左成個鐘先定D
不過, 由一入欄開始就不停咁叫呀叫
等我俾你地睇下MOMO個肺既功力 (呢D算細聲....夜晚...佢越叫越大)


MoMo在家裡大叫 from Heidi on Vimeo.

呢段係MoMo岩岩入欄無耐拍的,
MoMo由7點叫呀叫,
除左食飯同食飯之後,
俾佢出黎行下之外, 就叫呀叫到11點幾。
MoMo好奇怪的, 佢唔係欄裡面係唔會叫,
我地行去邊, 佢就跟到邊,
跟住就會係我附近自己搵位訓,
諗住訓著抱番佢入欄啦,
即刻醒晒, 繼續叫。 MoMo一係就唔叫, 一係就聲聲都鬼死咁大聲
MoMo, 我佩服你啦!!
連奶茶媽都未聽過MoMo叫....我地真係估佢唔倒。

結果, 我唔知點解佢停左唔叫,
我估可能佢太累掛,
MoMo係我房內的欄, 由12點乖乖地訓4點幾,
跟住就嘈醒左我啦,
我開歌仔俾MoMo聽啦。
係停叫左一陣, 不過係 30分鐘咁大把, 多謝晒!!

之後放左佢出欄, 不過都係我間房內,
因為我關左房門訓。
MoMo就唔叫啦, 自己乖乖地搵位訓,
訓多2個幾鐘, 到6點幾,
MoMo又嘈啦!!
係欄出面都嘈, 不過D叫聲係有D唔同,
但係我鬼知你講乜。
我唯有估MoMo肚餓!!
話晒由尋晚8點到宜家。

MoMo食飽就散步左一陣,
困番佢入欄, MoMo又醒醒目目即刻係個廁所痾屎痾尿俾我睇。
好啦, 見到咁醒, 唯有俾你散多一陣步啦!!

唉, MoMo, 你乖啦,
我都唔想困你。
但係你要學識困住係唔准不停咁叫,
你叫, 我都係會好忍心唔放你架。

朋友叫我訓練佢唔好叫,
難度簡直多於十粒星!!!

各位, 有咩好既方法,
快D教下我! Thanks!!!

heidilee 發表在 痞客邦 留言(0) 人氣()

今日買左好多野俾毛毛

有狗廁所


尿墊


玩具


梳, 指甲剪


食物兜


重死我喇。

heidilee 發表在 痞客邦 留言(0) 人氣()

  • Jul 20 Mon 2009 19:44
  • 圍欄

連續幾個星期都去左元朗, 粉嶺吉之島$10店搵圍欄,
一係就無我想要的SIZE,
一係就無我想要的顏色,
一係就無扣賣,
次次都係好唔lucky,
本身已經諗住放棄最想要的SIZE, 要其他SIZE就算
點知, 今日再去.....樣樣都有齊, 超lucky!!!

本身應該買四塊都應該夠,
但係我怕到時MoMo可以突破40CM高既挑戰, 爬到出黎,
於是我買夠六塊, 到時唔駛搵餐矇。

heidilee 發表在 痞客邦 留言(0) 人氣()

朝早就約左奶茶媽係NPV24等
大家都係第一次黎呢度睇醫生
所有狗BB打第一針都無得揀醫生
但係我地好好彩, 今次幫我睇既係Dr. Lau
佢出左名夠細心, 我地真係好lucky!!

今日黎打針既有三位, 大寶, 朱古力和MoMo


大寶同古力好八掛。

 

MoMo仲抵死, 似足我, 訓足成程車, 仲留埋口水添。

 

MoMo: Dr. Lau話我有少少瘦, 但係姑娘姐姐話我最好抱。

 

MoMo 四周望。

 

MoMo終於醒覺, 佢係度擔心緊一陣醫生會做D咩。

 

MoMo都算醒, 醫生都讚佢同古力勇敢,
打針果時都係叫左一兩聲, 好過大寶係度嘈生晒, 未打已經叫定先, 嘈死人啦!!!
佢地三個打完針, 番到屋企好支力, 要攤下先~

 

聽日就到皮皮同TWINS打針啦~
遲D話俾大家知, 究竟邊隻最細膽啦!

heidilee 發表在 痞客邦 留言(0) 人氣()

我家小狗就叫做MoMo 毛毛啦 !!!

咁樣, 我要做阿BU。

heidilee 發表在 痞客邦 留言(0) 人氣()

今日收到奶茶媽既email
原來佢send左狗BB D相俾我
好開心, 好掛住佢地
唔知佢地幾時打針呢???

唔好講咁多, 去相~~~~

 

左起: 大寶, 五寶皮皮, 三寶, 四囡, 二寶, 六寶

 

一齊食MUM MUM, 好味!!!

 

六寶, 你係唔係掛住我呀??

 

六寶問: 我個POSE得唔得???

heidilee 發表在 痞客邦 留言(0) 人氣()

我家很快多過新成員
超開心 :)

2009年5月23日

6隻小B出世了

我都唔知邊隻打邊隻?? 最深色的是亞二(右三)。

這就是孻仔出世15天的樣子

出世28天

2009年6月21日, 滿月了。你地睇下佢坐得幾咁型!!! So gentle!!!

 

抱住佢果個梗係我黎架啦!!
本來我喜愛亞二的顏色,
但我就覺得孻仔係最得意同最鍾意我抱...抱咁多小朋友, 最定定既就係佢!!
所以我決定抱佢番屋企。
孻仔孻心肝, 錫到你"火農"。

希望快D到7月尾~~~
不過, 係呢段時間, 我要幫佢添置新居物資,
張To-Buy-List好似會好長, 所以....
各位, 記得要俾"入伙利是"我個小朋友。

p.s. 我唔記得左介紹佢爸爸媽媽添。

這就是爸爸奶茶

和媽媽茄茄

heidilee 發表在 痞客邦 留言(1) 人氣()

«123